Անվտանգութեան խորհուրդի յայտարարութիւնը
Արցախի Հանրապետութեան Անվտանգութեան խորհուրդի քարտուղար Վիտալի Բալասանեան մասնակցած է խաղաղապահներու եւ վերջերս Հայաստան-Արցախ մայրուղին փակած ազերպայճանցի «բնապահներու» հանդիպումին։ Այս կապակցութեամբ Անվտանգութեան խորհուրդը հրապարակած է ստորեւ տրուած յայտարարութիւնը.
«Դեկտեմբերի 7-ին Ռուսաստանի խաղաղապահ զօրակազմի մշտական տեղակայման վայրում տեղի ունեցած հանդիպմանը Արցախի Հանրապետութեան Անվտանգութեան խորհրդի քարտուղարը մասնակցել է՝ որպէս Արցախում տեղակայուած խաղաղապահների հետ համագործակցութեան հարցերը համակարգող:
Հարկ ենք համարում հանրութեանը տեղեկացնել, որ Անվտանգութեան խորհրդի քարտուղարը ռուս խաղաղապահների միջնորդութեամբ տեղի ունեցած հանդիպումներին հանդէս է գալիս բացառապէս Արցախի Հանրապետութեան շահերի պաշտպանութեան դիրքերից:
Անդրադառնալով վերը նշուած հանդիպմանը՝ տեղեկացնում ենք, որ Արցախի Հանրապետութեան ներկայացուցիչը փաստարկներով եւ հիմնաւորումներով ընդգծել է արցախեան կողմի մտահոգութիւնները՝ թէ՛ Արցախում Ադրբեջանի գործողութիւնների հետեւանքով ստեղծուած բնապահական բնոյթի խնդիրների, եւ թէ՛ այլ անվտանգային մարտահրաւէրների մասին»:
