Դեկտեմբեր 12-ի առաւօտեան, քաղաքացիական հագուստներով խումբ մը Ազերպայճանցիներ, կրկին բնապահական պատճառաբանութեամբ, փակած են Ստեփանակերտ-Գորիս մայրուղին: Լուրը հաղորդած է Արցախի տեղեկատուական կեդրոնը։
Միջադէպի վերաբերեալ տեղեակ պահուած է Արցախի մէջ տեղակայուած ռուսական խաղաղապահ զօրակազմի հրամանատարութիւնը:
Անընդունելի համարելով ազերպայճանական կողմի յարձակողական ու ապակառուցողական վարքը՝ Արցախի պետական լիազօր մարմինները կը ձեռնարկեն բոլոր հնարաւոր միջոցներուն՝ հարցը լուծելու ուղղութեամբ, կապ պահելով ռուսական խաղաղապահներու հրամանատարութեան հետ:
«Կը յորդորենք քաղաքացիներուն հանդարտ ըլլալ եւ հետեւիլ պաշտօնական լրահոսին՝ զերծ մնալով չստուգուած տեղեկութիւնները տարածելէ:
Իրավիճակի զարգացումներու վերաբերեալ լրացուցիչ տեղեկութիւն կը տրամադրուի»,– նշուած է Կեդրոնի հրապարակած հաղորդագրութեան մէջ։
