Վարչապետ Նիկոլ Փաշինեան Ջերմուկի մէջ հանդիպում ունեցած է արտասահմանի մէջ հաւատարմագրուած Հայաստանի դիւանագիտական ներկայացուցչութիւններու ղեկավարներուն հետ:
Արտաքին գործոց նախարար Արարատ Միրզոյեան շնորհակալութիւն յայտնած է վարչապետին՝ հանդիպման մասնակցելուն համար եւ ներկայացուցած նման քննարկումներու նպատակները:
Վարչապետը ողջունած է նախաձեռնութիւնը եւ իր խօսքին մէջ անդրադարձած՝ Հայաստանի արտաքին քաղաքական առաջնահերթութիւններուն, առկայ մարտահրաւէրներուն, խնդիրներուն, զանոնք դիմագրաւելու կարելիութիւններուն, ինչպէս նաեւ խօսած է դիւանագէտներու գործունէութեան ու անոնցմէ ունեցած ակնկալիքներուն մասին:
Ան պատասխանած է շարք մը հարցումներու:
