Ֆրանսայի մէջ ՀՀ նախկին դեսպան Վիգէն Չիտեչեան Հոկտեմբեր 6-ին, 80 տարեկանին կեանքէն հրաժեշտ առած է։ «Խորը վշտով տեղեկացնում ենք, որ կեանքից հեռացել է հայ դիւանագիտութեան մեծ վարպետ, մեր աւագ գործընկեր եւ ուսուցիչ, պայծառ մարդ, ՀՀ արտակարգ եւ լիազօր դեսպան Վիգէն Չիտեչեանը»,- կը յայտնէ Նիտերլանտներու մէջ ՀՀ դեսպանութիւնը:
Ան վարած է 1990-1991 ՀՀ Արդիւնաբերութեան փոխնախարարի, 1991-1993 ՀՀ Պետական նախարարի, 1993-1995ՀՀ փոխվարչապետի պաշտօնները:
1995-1997 եղած է Ֆրանսայի մէջ ՀՀ դեսպան, 1997-2010 ՀՀ դեսպան Պենելիւքսի մէջ, եղած է Եւրոպական Միութեան մէջ ՀՀ առաքելութեան ղեկավարը: 1997-2004 ղեկավարած է ՕԹԱՆ-ի մէջ ՀՀ առաքելութիւնը, 2009-2018 կրկին եղած է Ֆրանսայի մէջ ՀՀ դեսպան, 2011-2018 նաեւ Մոնաքոյի, Անտորայի մէջ ՀՀ դեսպան, 2012-2013 եղած է Վատիկանի մէջ ՀՀ դեսպան:
