Յունիս 16-ի առաւօտեան ժամերէն սկսեալ Երեւան եւ Պաքու զիրար կը մեղադրեն սահմանի քանի մը ուղղութիւններով կրակոցներու համար։
Հայաստանի Պաշտպանութեան նախարարութենէն կը հաղորդեն, թէ ժամը 10-ին ազերպայճանական ուժերը տարբեր տրամաչափի զէնքերով կրակ բացած են օտար ներդրումներով Երասխի շրջանը կառուցուող գործատան ուղղութեամբ։
Իր կարգին, Պաքու կը պնդէ, թէ հայկական կողմը նախորդ գիշերը Վարդենիսէն կրակած է իրենց դիրքերուն ուղղութեամբ, մինչև լուսաբաց ալ Շուշիի շրջանի դիրքերը կրակի տակ եղած են։
Երեւան եւ Ստեփանակերտ այս ամէնը ապատեղեկատւութիւն կ՚որակեն։
