Արցախի Հանրապետութեան Ազգային ժողովի նախագահ Արթուր Թովմասեան իր պաշտօնէն հրաժարելու որոշում կայացուցած է։
Յուլիս 28-ին, ան Դիմագիրքի իր պաշտօնական էջին հրապարակած է հետեւեալ յայտարարութիւնը.
«Սիրելի´ հայրենակիցներ,
Իմ անձնական որոշումով քաղաքական պատասխանատւութիւն կը ստանձնեմ՝ հեռանալու Ազգային ժողովի նախագահի պաշտօնէն, բայց միշտ հաւատարիմ կը մնամ 1991-ին մեր ժողովուրդին հանրաքուէով ընդունած գաղափարին:
Մինչեւ վերջին շունչս պիտի ծառայեմ Հայաստանի Հանրապետութեան եւ անոր ժողովուրդին, Արցախի Հանրապետութեան եւ անոր ժողովուրդին:
Աստուած պահապան հայ ժողովուրդին:
Վաղը (Յուլիս 29-ին) Հրաժարականի դիմում կը ներկայացնեմ»։
