Փետրուար 18-ին, Իզէռ նա­հան­գի Էշի­ռոլ հա­մայնքի «Ազա­տու­թիւն» հրա­պարա­կին վրայ տե­ղի ու­նե­ցան ազ­գա­յին հե­րոս Մի­սաք Մա­նու­շեանի եւ իր 22 ըն­կերնե­րու յի­շատա­կին նուիրուած ոգե­կոչ­ման արա­րողու­թիւններ, հո­վանա­ւորու­թեամբ հա­մայնքի նո­րըն­տիր քա­ղաքա­պետու­հի Աման­տին Տը­մոռի։ Ներ­կայ էին նախ­կին քա­ղաքա­պետ Ռեն­զօ Սիւ­լի, Կրը­նոպ­լի շրջա­նի Նախ­կին ռազ­միկնե­րու եւ դի­մադ­րա­կան­նե­րու եր­կա­րամեայ նա­խագահ Տա­նիէլ Մա­րան­ճեան, շրջա­նի դի­մադ­րա­կան­նե­րու պա­տաս­խա­նատու­ներ, դրօ­շակա­կիր­ներ, Սէն Մար­թէն տ՚Էռի քա­ղաքա­պետ Տա­ւիտ Քեյ­րոս, Կրը­նոպ­լի քա­ղաքա­պետա­րանի ներ­կա­յացու­ցիչ Անուշ Յա­կոբեան-Մար­տի­րոսեան, Ալփ Մեթ­րո­փոլի ներ­կա­յացու­ցիչ Անա­հիտ Ֆայ-Մար­տի­րոսեան, հայ­կա­կան միու­թիւննե­րու ներ­կա­յացու­ցիչներ եւ բազ­մա­թիւ հա­մակիր­ներ։

Առա­ջին արա­րողու­թիւնը տե­ղի ու­նե­ցաւ Մի­սաք Մա­նու­շեանի անու­նը կրող յու­շա­տախտակին առ­ջեւ, ուր քա­ղաքա­պետու­հին եւ Տ. Մա­րան­ճեան քօ­ղազեր­ծե­ցին ֆրան­սա­կան դրօ­շակով պա­տուած եւ Մա­նու­շեանի նկա­րով նոր յու­շա­տախտակ մը, նուիրուած քա­ղաքա­պետա­րանին կող­մէ։ Ծա­ղիկ­նե­րու զե­տեղու­մէն ետք, ներ­կա­ները հա­մա­խմբուե­ցան նոյն հրա­պա­րա­կին վրայ գտնուող «Մե­ռեալ­նե­րու» յու­շարձա­նին (Monument aux Morts) դի­մաց, ուր խօսք առին տի­կին Տը­մոռ եւ Տ. Մա­րան­ճեան, անդրա­դառ­նա­լով յա­նուն ազա­տու­թեան, ար­դա­րու­թեան եւ խա­ղաղու­թեան նա­հատա­կուած Մա­նու­շ­եանի կեան­քին ու սխրա­գոր­ծութիւննե­րուն։

Տ. Մա­րան­ճեան շնոր­հա­կալու­թիւն յայտնեց Էշի­ռոլի միջ­նա­կարգ եւ երկրոր­դա­կան վար­ժա­րան­նե­րու պա­տաս­խա­նատու­նե­րուն՝ կրթա­կան հաս­տա­տու­թիւննե­րուն մէջ Մա­նու­շեանին նուիրուած ցու­ցա­հան­դէսնե­րուն եւ դա­սախօ­սու­թիւննե­րուն հա­մար։

Այ­նուհե­տեւ Հայ մշա­կոյ­թի տան ան­դամնե­րէն Գե­ղամ Ֆայ-Մար­տի­րոսեան եւ Լիւ­լիւ Օլի­վիէ կար­դա­ցին Մա­նու­շեանի՝ իր կնոջ Մե­լինէին ուղղուած վեր­ջին նա­մակը, իսկ Ժ. Ֆո­րես­թիէ եւ Ղու­կաս Սի­մոնեան՝ Դի­մադ­րութեան շար­ժումի նա­հատակ­նե­րուն անուննե­րը։ Տեղ­ւոյն վրայ ծաղ­կեպսակ­նե­րու զե­տեղու­մէն ետք, հնչե­ցին Հա­յաս­տա­նի եւ Ֆրան­սա­յի ազ­գա­յին փա­ռեր­գե­րը։

Հուսկ՝ քա­ղաքա­պետու­հին՝ ի պա­տիւ Մա­րան­ճեանի եր­կա­րամեայ վաս­տա­կին, անոր պար­գե­ւեց Էշի­ռոլի շքան­շա­նը։ Գե­ղեցիկ ծաղ­կե­փունջ մըն ալ նուիրուեցաւ Տի­կին Սիլ­վի Մա­րան­ճեանին։

Ոգե­կոչ­ման արա­րողու­թիւննե­րը աւար­տե­ցան քա­ղաքա­պետա­րանի բա­րեկա­մական բա­ժակով եւ Մշա­կոյ­թի տան Տիկ­նանց կող­մէ պատ­րաստուած հա­մադամ­նե­րով։

ՇԱՔԷ ՄԱՆՈՒԿԵԱՆ ■