Հայաստան-Սփիւռք գործակցութեան նոր ուղիներ
20/11/2024
Ապրիլ 21-ին, Ամսթերտամի Հայոց ցեղասպանութեան զոհերու յիշատակը յաւերժացնող խաչքարին մօտ տեղի ունեցած է ոգեկոչման արարողութիւն։ Ելոյթներով հանդէս եկած են Նետերլանտներու մէջ Հայաստանի դեսպան Վիքթոր Պիագով, քաղաքապետ Ֆեմքէ Հալսեմա, երեսփոխաններ եւ տեղւոյն հայ համայնքի ներկայացուցիչներ։
Դեսպանը իր խօսքին մէջ կրկին ընդգծած է Ցեղասպանութեան ճանաչման եւ դատապարտման հրամայականը՝ երախտագիտութեամբ նշելով երկրի խորհրդարանին կողմէ Հայոց ցեղասպանութեան ճանաչման կարեւորութիւնը։
Ան ըսած է, որ մարդկութեան դէմ յանցագործութիւններու կանխարգիլման եւ դատապարտման ճանապարհին անհրաժեշտ է համախմբել մարդկային իրաւանց եւ ազատութիւններու առաջամարտիկ բոլոր պետութիւններու ջանքերը՝ բացառելու համար նման ոճրագործութիւններու կրկնութիւնը։
Ապրիլ 18-ին, Լա Հէյի մէջ տեղի ունեցած է Հայոց ցեղասպանութեան 109-րդ տարելիցին նուիրուած ոգեկոչման ձեռնակ մը։ Ելոյթներ ունեցած են Հայաստանի դեսպան Վիկտոր Պիագով, խորհրդարանի անդամներ, հայ համայնքի ներկայացուցիչներ։
Յիշատակի երեկոյթը աւարտած է «Ծիրանի ծառ» երգչախումբի, Արցախէն օփերայի երգչուհի Միլենա Բեգլարեանի, Աբովեան մշակութային միութեան աշակերտներու կատարումներով։
© 2023 Բոլոր իրաւունքները վերապահուած են։
