«Հայաստանի Հանրապետութեան 2025 թուականի երիտասարդական մայրաքաղաք» մրցոյթը շահած է Ապարան քաղաքը։

Մրցոյթի արդիւնքները ներկայացուած ու ամփոփուած են Կրթութեան, գիտութեան, մշակոյթի եւ մարզանքի (ԿԳՄՄ) նախարարութեան մէջ տեղի ունեցած եզրափակիչ նիստին, զոր վարած է մրցոյթի յանձնախումբի նախագահ, ԿԳՄՄ փոխնախարար Արթուր Մարտիրոսեան: 

2025-ի երիտասարդական մայրաքաղաքի տիտղոսին համար դիմում ներկայացուցած էին Աբովեան (Կոտայքի մարզ), Ալավերդի (Լոռիի մարզ), Ապարան (Արագածոտնի մարզ), Մարտունի (Գեղարքունիքի մարզ) եւ Նոյեմբերեան (Տաւուշի մարզ) քաղաքները։

Այսպէսով 2025-ին Ապարանը կը հռչակուի Հայաստանի Հանրապետութեան երիտասարդական մայրաքաղաք: