Յունուար 8-ին տե­ղի ու­նե­ցած լրագ­րողնե­րու հետ ասու­լի­սին՝ Ար­տա­քին գոր­ծոց նա­խարար նա­խարար Արա­րատ Միր­զո­յեան ար­ձա­գան­գե­լով Ալիեւի այն յայ­տա­րարու­թեան, թէ «Արեւմտեան Ազեր­պայճան»-ի ներ­կա­յացու­ցիչնե­րը կ՚ու­զեն հան­դի­պում ու­նե­նալ Հա­յաս­տա­նի իշ­խա­նու­թիւննե­րուն հետ՝ նշած է, թէ «Արեւմտեան Ազեր­պայճան» խօ­սոյ­թը ուղղա­կի տա­րած­քա­յին պա­հանջ մըն է Հա­յաս­տա­նի նկատ­մամբ։

Ան դի­տել տուած է, թէ նման հարց օրա­կար­գի վրայ չկայ։ “Մենք գործ ու­նինք Ազեր­պայճա­նի իշ­խա­նու­թիւննե­րու յա­ջոր­դա­կան շին­ծու եւ առա­ւելա­պաշ­տա­կան ծրագ­րի հետ։ «Արեւմտեան Ազեր­պայճան» խօ­սոյ­թը կ՚են­թադրէ ոտ­նա­հարում՝ Հա­յաս­տա­նի տա­րած­քա­յին ամ­բողջա­կանու­թեան նկատ­մամբ, նոյ­նիսկ այդ անուանու­մէն սկսեալ։ Արեւմտեան Ազեր­պայճա­նը Ազեր­պայճա­նի Հան­րա­պետու­թեան արեւմտեան շրջանն է։ Հա­յաս­տա­նի տա­րած­քը Արեւմտեան Ազեր­պայճան անուանե­լը ար­դէն կը մատ­նէ Հա­յաս­տա­նի տա­րած­քա­յին ամ­բողջա­կանութեան նկատ­մամբ յա­ւակ­նութիւններ”,– ըսած է Ար­տա­քին գոր­ծոց նա­խարա­րը։ 

«Հա­յաս­տան կրնայ դի­տար­կել ռուս սահ­մա­նապահ­նե­րու հե­ռաց­ման հար­ցը, եթէ Թուրքիոյ հետ մեր յա­րաբե­րու­թիւննե­րը կար­գա­ւորուին»

Պա­տաս­խա­նելով լրագ­րո­ղի մը՝ հայ-թրքա­կան սահ­մա­նէն ռուս սահ­մա­նապահ­նե­րու հե­ռաց­ման մա­սին հար­ցումին, Միր­զո­յեան յայ­տա­րարած է, թէ «Հա­յաս­տան կրնայ դի­տար­կել նշեալ սահ­մա­նէն ռուս սահ­մա­նապահ­նե­րու հե­ռաց­ման հար­ցը, եթէ Երե­ւանի եւ Ան­գա­րայի մի­ջեւ վստա­հելի յա­րաբե­րու­թիւններ հաս­տա­տուին»։ ■