Յունուար 8-ին, Պա­քուի մէջ հան­դի­պում ու­նե­ցած են Ազեր­պայճա­նի նա­խագահ Իլ­համ Ալիեւ եւ Իրա­նի Ազ­գա­յին ապա­հովու­թեան գե­րագոյն խոր­հուրդի քար­տուղար Ալի Աք­պար Ահ­մա­տեան։

Ազեր­պայճա­նական կող­մի հա­ղոր­դագրու­թեան հա­մաձայն՝ իրան­ցի բարձրաս­տի­ճան պաշ­տօ­նատա­րը նախ «շնոր­հա­ւորած է Ազեր­պայճա­նը՝ իր տա­րածքնե­րը բռնագ­րա­ւու­մէն ազա­տագ­րե­լուն կա­պակ­ցութեամբ եւ նշած, թէ իրենք շատ ու­րախ են ատոր հա­մար»։

Հան­դի­պու­մին կող­մե­րը քննար­կած են փո­խադարձ գոր­ծակցու­թեան վե­րաբե­րող հար­ցեր, ընդգծե­լով՝ Հիւ­սիս-Հա­րաւ եր­թե­ւեկու­թեան մի­ջանցքի զար­գացման կա­րեւո­րու­թիւնը եւ Ազեր­պայճա­նի, Ռու­սաստա­նի ու Իրա­նի մի­ջեւ եռա­կողմ հա­մագոր­ծակցու­թեան ձե­ւաչա­փը։

Պա­քուէն ետք՝ Երե­ւան

Ալի Աք­պար Ահ­մա­տեան, Պա­քուէն ետք, Յու­նուար 8-ի երե­կոյեան ժա­մանած է Երե­ւան, ուր Յու­նուար 9-ին հան­դի­պում ու­նե­ցած է Հա­յաս­տա­նի վար­չա­պետին հետ։ 

Հան­դի­պու­մին՝ Փա­շինեան ընդգծած է Հա­յաս­տան-Իրան յա­րաբե­րու­թիւննե­րու կա­րեւո­րու­թիւնը եւ խոր բնոյ­թը՝ աւելցնե­լով, թէ Հա­յաս­տան շա­հագրգռուած է զար­գացնե­լով եւ ընդլայ­նե­լով փո­խադարձ գոր­ծակցու­թիւնը՝ ար­հեստա­գիտու­թեան, ար­դիւնա­բերու­թեան, ու­ժա­նիւ­թի, գիւ­ղա­տնտե­սու­թեան, են­թա­կառոյցնե­րու, ճա­նապար­հա­շինու­թեան եւ այլ բնա­գաւառ­նե­րու մէջ։

Կող­մե­րը շեշ­տած են, թէ Հիւ­սիս-հա­րաւ մայ­րուղիի կա­ռու­ցումը՝ երկկողմ առեւտրաշրջա­նառու­թեան եւ բեռ­նե­րու փո­խադրման ծա­ւալի յա­ւել­ման նոր ազ­դակ պի­տի հա­ղոր­դէ: Անոնք անդրա­դար­ձած են նաեւ Հա­յաս­տա­նի կա­ռավա­րու­թեան «Խա­ղաղու­թեան խաչ­մե­րուկ» նա­խագ­ծին: Իրան­ցի դի­ւանա­գէտը յայտնած է, թէ իր եր­կի­րը կ՚աջակ­ցի նա­խագ­ծի իրա­գործման՝ հոն ամ­րագրուած սկզբունքնե­րու հի­ման վրայ: ■