Ապրիլ 17-ին, Ազգային ժողովին մէջ վարչապետ Նիկոլ Փաշինեան, ի միջի այլոց, յայտարարած է.

“Կառավարող մեծամասնութիւնն ու անձամբ ես ասում ենք՝ Ղարաբաղեան շարժումը շարունակելու որեւէ փորձ կործանարար է, որովհետեւ այն եղել է եւ լինելու է գործիք Հայաստանի պետութիւնը, անկախութիւնը եւ ինքնիշխանութիւնը թոյլ չտալու համար։

Շուրջ 30 տարի մենք կառուցել ենք պետութեան մի մոդել, որ հիմնականում եւ առաւելապէս նուիրուած է եղել Ղարաբաղի հարցի լուծմանը՝ Ղարաբաղեան շարժմանը եւ յանուն դրա ամէն ինչ զոհաբերելու տրամաբանութեանը։

Փաստերին ու տեղեկութիւններին հասանելիութիւն  ստանալուն զուգընթաց՝ քայլ-քայլ  հասկացել եմ, որ եթէ Հայաստանի համար անկախութիւնը, պետականութիւնը միջոց են Ղարաբաղի հարցի մեր պատկերացրած լուծման համար, արտաքին  մի շարք դերակատարների համար Ղարաբաղեան հարցը միջոց էր Հայաստանի անկախութիւնը, պետականութիւնը, զարգացումը, բարեկեցութիւնը թոյլ չտալու, ապա  մեր պետականութեանը վերջ դնելու համար”։