Հայաստան՝ հոսանքն ի վեր
25/06/2025
Ազերպայճանի նախագահ Իլհամ Ալիեւ կրկին անգամ անհիմն մեղադրանքով ամբաստանած է Հայաստանը զայն անուանելով «ռազմական յանցագործ պետութիււն»:
Յունիս 25-ին, Մինկեչաուրի շրջանի ելեկտրակայանի բացման արարողութեան ընթացքին արտասանած իր խօսքին մէջ Ալիեւ նաեւ պնդած է, թէ «Հայաստան՝ ղարաբաղեան առաջին եւ երկրորդ պատերազմներու ընթացքին հրետակոծած է ազերպայանական քաղաքներ, սպանած խաղաղ բնակիչներ, նպատակ ունենալով կաթուածահար ընել Ազերպայճանի ուժանիւթի ենթակառոյցները»:
“Այս տարածքին ինկած արկերն ու հեռահար հրթիռները ատոր ապացոյցն են: Սա յարձակում էր քաղաքացիական բնակչութեան եւ ենթակառոյցներու դէմ: Սա ռազմական յանցագործութիւն է: Հայաստանի ռազմական յանցագործութիւնները այսքանով չեն սահմանափակուիր”,– ընդգծած է ան:
© 2025 Բոլոր իրաւունքները վերապահուած են։
