Յուլիս 7-ին, Ազգային ժողովը փակ գաղտնի քուէարկութեամբ՝ 59 թեր, 0 դէմ ձայնով, անձեռնմխելիութենէ զրկեց ընդդիմադիր «Հայաստան» խմբակցութեան երեսփոխաններ Սեյրան Օհանեանն ու Արծուիկ Մինասեանը:

Յիշեցնենք, թէ ընդհանուր դատախազ Աննա Վարդապետեան երկու օր առաջ դիմում ներկայացուցած էր Ազգային ժողովի նախագահին՝ վերոնշեալ երկու երեսփոխանները անձեռնմխելիութենէ զրկելու համար:

Աւելցնենք, թէ ուրիշ մէկ երեսփոխան՝ «Հայաստան» խմբակցութեան անդամ Արթուր Սարգսեան եւս զրկուած է անձեռնմխելիութենէն։ Ենթակային դէմ կան ահաբեկչութեան (պետական հարուածի փորձ) գործին մէջ ներգրաւուած ըլլալու ամբաստանութիւններ։ 

Իսկ ծանօթ գործարար, երեսփոխան, «Բարգաւաճ Հայաստան» կուսակցութեան նախագահ Գագիկ Ծառուկեան ալ հրաւիրուած է Հակակոռուպցիոն (Եղծանման դէմ պայքարի) կոմիտէ՝ հարցաքննութեան։