Փարիզի մէջ տեղի ունեցած բնագիտութեան (physique) 55-րդ միջազգային ողիմպիականներուն՝ «Ա. Շահինեան» բնագիտա-ուսողութեան (Ֆիզմաթ) յատուկ դպրոցի 12-րդ դասարանի աշակերտներ Նարեկ Գալստեան ու Վահէ Մելքոնեան նուաճած են պրոնզէ մետալներ։

Հայաստանեան խումբի ուրիշ երկու ներկայացուցիչ՝ «Ա. Շահինեան» դպրոցի 12-րդ դասարանի աշակերտ Դաւիթ Հայրապետեան եւ  ՀԱՊՀ աւագ դպրոցի 11-րդ դասարանի աշակերտ Էմիլ Յարութիւնեան ալ արժանացած են գնահատագրերու:

Յուլիս 17-25 փորձնական եւ տեսական փուլերով ընթացած ողիմպիականներուն՝ հայրենի խումբը ղեկավարած են «Ա. Շահինեան» դպրոցի ուսուցիչներ Բիլոր Կուրղինեանն ու Մեխակ Հայրապետեանը։

Բնագիտութեան նախորդ  միջազգային ողիմպիականները տեղի ունեցեր էին Իրանի Սպահան քաղաքին մէջ. Հայաստանի խումբը արժանացած էր 3 պրոնզէ մետալի եւ 2 գնահատագրի։