«Թրամփի խաղաղութեան ճանապարհը»
16/08/2025
Յուլիս 23-ի երեկոյեան, իսրայէլացի երկու երիտասարդուհիներ, որոնք ըստ ականատեսներու՝ գիշերաբոյն այցելութեան յարիր զգեստներ կը կրէին, մտած են Երուսաղէմի Սուրբ Յարութեան տաճար եւ փաթթած են հաշիշի գլանիկներ եւ փորձած են վառել։
Կին մը միջամտելով անոնց ըսած է. «Հոս չէք կրնար ծխել այդ, այստեղ քրիստոնէութեան ամէնէն սրբազան վայրն է»։
Այդ յանդիմանութեան վրայ՝ երկու երիտասարդուհիները նախ մեկնած են, յետոյ դարձեալ վերադարձած ու այս անգամ ալ մուտք գործած են Սուրբ Յարութեան տաճարի համալիրին մէջ գտնուող հայկական Սուրբ Գրիգոր Լուսաւորիչ մատուռը եւ փորձած են սրբապղծման այդ նոյն արարքը հոն գործադրել։ Այս անգամ ալ հայ քահանայ մը եւ հաւատացեալ մը խստօրէն բայց յարգանքով միջմամտած եւ արգելք եղած են, անոնցմէ խնդրելով դուրս ելլել։
Սրբապղծման նման փորձ՝ համայն քրիստոնեայ աշխարհի սրբազնագոյն վայրին մէջ, պէտք է արժանանայ դատական հետապնդման տեղական իշխանութեանց կողմէ։
© 2025 Բոլոր իրաւունքները վերապահուած են։
