Սեպտեմբեր 12-ին աշխատանքային այցով Մարսիլիա գտնուող Ֆրանսայի մէջ Հայաստանի դեսպան Արման Խաչատրեան հանդիպում ունեցած է Մարսիլիոյ քաղաքապետ Պընուա Փայանի հետ։
Տեսակցութեան ընթացքին Հայաստանի դեսպանը բարձր գնահատած է Մարսիլիոյ հետ Հայաստանի բարեկամական երկարամեայ առնչութիւնները, ինչպէս նաեւ Մարսիլիոյ քաղաքապետի եւ քաղաքային խորհուրդի շարունակական աջակցութիւնը Հայաստանին եւ հայ ժողովուրդին։
Անդրադարձ կատարուած է Երեւանի եւ Մարսիլիոյ միջեւ 2025 Մայիսին ստորագրուած համագործակցութեան փաստաթուղթի շրջանակին մէջ երկու քաղաքներու միջեւ գործակցութեան ընդլայնման կարելիութիւններուն ու նախանշուող արդիւնաւէտ ծրագրերուն։
Հանդիպումին ներկայ գտնուած է նաեւ Մարսիլիոյ մէջ Հայաստանի աւագ հիւպատոս Արա Մկրտչեան։
© 2025 Բոլոր իրաւունքները վերապահուած են։
