Երեւանի ընդհանուր իրաւասութեան դատարանին մէջ տեղի ունեցած դատական նիստի ընթացքում դատախազ Արման Բաղդասարեան պահանջած է Շիրակի թեմի առաջնորդ Միքայէլ արքեպիսկոպոս Աջապահեանը ազատազրկել 2 տարի 6 ամիս։ 

“Քննարկուող դէպքում մեղադրեալին մեղսագրւում է դիտաւորութեամբ սահմանադրական կարգի հիմունքների եւ պետութեան անվտանգութեան դէմ ուղղուած միջին ծանրութեան յանցագործութեան կատարում։ Ելնելով պատժի նպատակներն ապահովելու արդարացի նկատառումներից՝ միջնորդում եմ Միքայէլ Աջապահեանին նշանակել ազատազրկում 2 տարի 6 ամիս ժամկէտով՝ հաշուարկելով նաեւ նրա կալանքի տակ գտնուելու ժամանակահատուածը”,– յայտարարած է Բաղդասարեան։  

Դատարանը վճիռը կը հրապարակէ հոկտեմբեր 3-ի երեկոյեան։