Երեւանի մէջ, Նո­յեմ­բեր 18-ին տե­ղի ու­նե­ցած է Հա­յաս­տան-Ֆրան­սա Առեւտրա-ար­դիւնա­բերա­կան պա­լատի (CCIFA) հա­յաս­տա­նեան մաս­նա­ճիւ­ղին բաց­ման արա­րողու­թիւնը։ Հան­դի­սու­թեան մաս­նակցած է Հա­յաս­տա­նի Ելմտա­կան նա­խարար Գէորգ Պա­պոյեան։

Նա­խարա­րը նշած է, թէ «Առեւտրա-ար­դիւնա­բերա­կան պա­լատի ներ­կա­յու­թիւնը Հա­յաս­տա­նի մէջ նոր հնա­րաւո­րու­թիւններ պի­տի ըն­ձե­ռէ ֆրան­սա­կան դրա­մագ­լուխի ներգրաւ­ման, հա­մատեղ ձեռ­նարկու­թիւննե­րու ստեղծման եւ Հա­յաս­տա­նեան ապ­րանքնե­րու՝ ֆրան­սա­կան ու եւ­րո­պական շու­կա­ներ մուտքին հա­մար»։ Ան վստա­հու­թիւն յայտնած է, որ Պա­լատը պի­տի դառ­նայ հար­թակ մը, ուր պի­տի հան­դի­պին նոր գա­ղափար­ներ եւ նոր նա­խաձեռ­նութիւններ թէ՛ հայ­կա­կան, թէ՛ ֆրան­սա­կան ըն­կե­րու­թիւննե­րուն հա­մար։

CCIFA-ն ար­դէն աւե­լի քան 30 տա­րի է կը ծա­ռայէ որ­պէս տնտե­սական երկխօ­սու­թեան եւ ռազ­մա­վարա­կան հա­մագոր­ծակցու­թեան հար­թակ Հա­յաս­տա­նի եւ Ֆրան­սա­յի մի­ջեւ։ Անոր գոր­ծունէու­թեան նպա­տակն է աջակ­ցիլ երկկող­մա­նի ներդրումնե­րու խթան­ման, մրցու­նակ ճիւ­ղե­րու զար­գացման եւ եր­կու եր­կիրնե­րուն մի­ջեւ կա­յուն ու եր­կա­րատեւ տնտե­սական գոր­ծընկե­րու­թեան։

Մի­ջոցա­ռու­մը տե­ղի ու­նե­ցած է «Երե­ւանի Կո­նեակի Գոր­ծա­րան» ըն­կե­րու­թեան եր­դի­քին տակ։ Մաս­նակցած են Հա­յաս­տա­նի մէջ Ֆրան­սա­յի դես­պան Օլի­վիէ Տը­քոթին­յի, ՀՀ Ելմտա­կան նա­խարա­րի տե­ղակալ Լի­լիա Սի­րակա­նեան, ինչպէս նաեւ գոր­ծա­րար շրջա­նակ­նե­րու եւ դի­ւանա­գիտա­կան հա­մայնքի այլ ներ­կա­յացու­ցիչներ։ ■