Մարտ 8-ին, Հայաստանի մէջ գումարուած ՀՅԴ-ի 34-րդ Ընդհանուր ժողովը աւարտած է իր աշխատանքները։ Ժողովին օրակարգը կը բխէր հայրենիքի և հայութեան առջև ծառացած ներազգային, միջազգային եւ տարածաշրջանային մարտահրաւէրներէն, որոնց շուրջ ծաւալած են խոր քննարկումներ. ճշդուած են յաջորդ քառամեայի ՀՅԴ-ի քաղաքական ուղեգիծն ու ռազմավարութիւնը եւ կայացուած են որոշումներ՝ Հայ դատի, արտաքին և ներազգային ուղղութիւններով աշխատանքներու, քարոզչական եւ տնտեսական քաղաքականութեան վերաբերեալ:

Ժողովը քննարկած եւ գնահատած է շրջանաւարտ ՀՅԴ Բիւրոյի եռամեայ գործունէութիւնը, ներկազմակերպական խնդիրներն ու ընելիքները:

Ընդհանուր ժողովը իր օրակարգը սպառելէ ետք, ընտրած է կուսակցութեան բարձրագոյն մարմինը՝ Բիւրօն:

ՀՅԴ Բիւրօն իր անդրանիկ նիստին ՀՅԴ Բիւրոյի ներկայացուցիչ ընտրած է Յակոբ Տէր-Խաչատուրեանը։

ՀՅԴ նորընտիր Բիւրոյի անդամներն են՝

Վիգէն Բաղումեան (Իրան), Դաւիթ Իշխանեան (Արցախ), Արսէն Համբարձումեան (Հայաստան), Կիրօ Մանոյեան (Հայաստան), Մկրտիչ Մկրտիչեան (Լիբանան), Խաժակ Մկրտիչեան (Ամերիկայի Միացեալ Նահանգներ), Արմէն Ռուստամեան (Հայաստան), Յովսէփ Տէր-Գէորգեան (Եւրոպա), Ռաֆֆի Տօնապետեան (Գանատա), Մուրատ Փափազեան (Եւրոպա):

ՀՅԴ Հանրային կապերու գրասենեակ

2022 Մարտ 8

Դիլիջան