Գալիֆորնիոյ համալսարանի Լոս Անճըլըսի մասնաճիւղի (UCLA) Շարժանկարի եւ հեռատեսիլի արխիւին ջանքերով վերանորոգուած՝ Ռուբէն Մամուլեանի երկու ֆիլմերը՝ Applause (1929) եւ Love Me Tonight (1932), պիտի ցուցադրուին Ապրիլ 16-ին, համալսարանին կից գտնուող Billy Wilder թատերասրահին մէջ։

Նշեալ երկու ֆիլմերը եւ Մամուլեանի վեց այլ ֆիլմերը վերջերս վերանորոգուած են, իսկ ցուցադրութիւնը կը կազմակերպուի Հայկական շարժանկարի հիմնարկութեան եւ Համալսարանի «Խոստումը» հիմնարկին հովանաւորութեամբ։