Ապրիլ 9-ին, փարիզեան արուարձան Գուրպըվուայի մէջ տեղի ունեցած է Հայոց ցեղասպանութեան 107-րդ տարելիցին նուիրուած ոգեկոչման արարողութիւն, զոր կազմակերպած է քաղաքային խորհուրդը` Ֆրանսայի համար մարտնչած զինուորներու ընկերակցութեան համագործակցութեամբ եւ Ֆրանսայի մէջ Հայաստանի դեսպանութեան մասնակցութեամբ։
Քաղաքի յիշատակի կոթողին առջեւ՝ Հայոց ցեղասպանութեան զոհերու յիշատակը յարգած և ծաղկեպսակներ զետեղած են Գուրպըվուայի քաղաքապետուհի Պենետիքթ Ժորժ, Հօ-տը-Սէնի ծերակուտական Հերվէ Մարսէյլ, երեսփոխանուհի Քրիսթին Հենիոն, Հօ-տը-Սէնի փոխնախագահուհի Մարի-Փիէռ Լիմոժ, Ֆրանսայի մէջ Հայաստանի դեսպանութեան երկրորդ քարտուղար Սուսաննա Ադամեան, Փարիզ 8-րդի թաղապետուհի Ժանն տ՚Հոթսեր, Իլ-տը-Ֆրանսի եւ Գուրպըվուայի շրջանային խորհուրդի անդամներ:
Զինուորական կարգով կազմակերպուած Հայոց ցեղասպանութեան 107-րդ տարելիցի ոգեկոչման արարողութեան ներկայ եղած են նաեւ ֆրանսահայ համայնքի ներկայացուցիչներ եւ տեղւոյն բնակիչները:
