Ընդդիմադիր երեսփոխաններու՝
Արցախ մուտքի արգիլման կապակցութեամբ
«Հայաստան» խմբակցութիւնը յայտարարել էր, թէ Ապրիլի 12-ից երեսփոխանների խմբերով ուղեւորուելու են Հայաստանի սահմանամերձ բնակավայրեր եւ Արցախի Հանրապետութիւն:
Ապրիլի 12-ին Արցախի Հանրապետութեան Աղաւնոյի անցակէտում Ռուսաստանի խաղաղապահ զօրքերն արգելեցին երեսփոխանների մուտքը՝ առանց որեւէ հիմնաւորման, մինչդեռ՝ ՀՀ որեւէ քաղաքացու մուտք ու ելք չի կարող սահմանափակուել։
Ուշագրաւ է, որ երեսփոխանների՝ Արցախ այցելելու քայլին շատ արագ եւ միաժամանակ արձագանգեցին իշխանական ներկայացուցիչներն ու ադրբեջանական կողմը՝ նոյնիսկ արգելելու պահանջ ներկայացնելով:
Այս վարքագիծն ու իրավիճակը, ի թիւս այլնի, ինքնին հակասում է Հայաստան-Արցախ կապի անխափանութեան յանձնառութեան: Ստեղծուած իրավիճակն ակնյայտօրէն անընդունելի է։
Միաժամանակ, պարզ չէ, թէ օրուայ իշխանութիւնները յստակ ի՛նչ միջոցներ են ձեռնարկել ակնյայտ խնդրի լուծման ու հետագայում նման դէպքերը կանխարգելելու ուղղութեամբ, բացի պարզապէս յայտարարութիւններ կատարելով:
Յայտնում ենք, որ երեսփոխանների՝ Արցախ մուտք գործելու սահմանափակումը մինչ այս պահը չի վերացուել: Օրուայ իշխանութիւնները, որպէս իրենց կատարած յայտարարութիւնների տրամաբանական շարունակութիւն, պարտաւոր են անյապաղ հանդէս գալ գործողութիւններով, հաւաստիացումներով, որ Հայաստան-Արցախ անխափան մուտքը Հայաստանի բոլոր քաղաքացիների համար վերականգնուած է»:
