Փրանկիս­կոս պա­պին հրա­ւէրով Սեպ­տեմբեր 22-ին եւ 23-ին Հռո­մի մէջ գու­մա­րուած Տանն Կի­լիկիոյ պատ­րիար­քա­կան Հայ կա­թողի­կէ եկե­ղեց­ւոյ եպիս­կո­պոս­նե­րու սի­նոդո­սը ընտրած է Տանն Կի­լիկիոյ Կա­թողի­կէ Հա­յոց պատ­րիար­քը, յան­ձին Ռա­ֆայէլ արք. Մի­նասեանի, տիտ­ղո­սաւոր՝ Կա­պադով­կեան Կե­սարիոյ Հա­յոց եւ Առաջ­նորդ Հա­յաս­տա­նի, Վրաս­տա­նի, Ռու­սաստա­նի եւ Արեւելեան Եւ­րո­պայի Կա­թողի­կէ Հա­յոց: Նո­րընտրեալ պատ­րիար­քը առած է Ռա­ֆայէլ Պետ­րոս ԻԱ. Մի­նասեան անու­նը։

Ռա­ֆայէլ արք. Մի­նասեան ծնած է 1946-ին: 1958-ին մտած է Զմմա­ռի Պատ­րիար­քա­կան միաբա­նու­թիւն ըն­ծա­յարան, ուր ստա­ցած է դպրո­ցական բարձրա­գոյն կրթու­թիւնը: 1966-ին ու­ղարկուած է Հռո­մի քա­հանա­յապե­տական Լեւոնեան հայ­կա­կան վար­ժա­րան եւ աշա­կեր­տած է քա­հանա­յապե­տական Գրի­գորեան հա­մալ­սա­րանին մէջ, ուր ստա­ցած է փի­լիսո­փայու­թեան եւ աս­տուածա­բանու­թեան վկա­յական­նե­րը: Ու­սումը շա­րու­նա­կած է Հռո­մի Սա­լեզեան հա­մալ­սա­րանէն ներս` մաս­նա­գիտա­նալով գործնա­կան հո­գեբա­նու­թեան մէջ: Կու­սակրօն քա­հանայ ձեռ­նադրուած է 1973-ին, Պէյ­րութի մէջ։

Մինչեւ 1980 թուակա­նը ստանձնած է Պէյ­րութի Սուրբ Գրի­գոր Լու­սա­ւորիչ – Սուրբ Եղիա աթո­ռանիստ եկե­ղեց­ւոյ հով­ւութիւ­նը: 1978-ին նշա­նակուած է Լի­բանա­նի Հայ կա­թողի­կէ եկե­ղեցա­կան ատեանի քար­տուղար, ապա՝ եկե­ղեցա­կան դա­տաւոր՝ մինչեւ 1989 թուակա­նը:

Ապա, մին­չեւ 1990 Լի­բանա­նի մէջ զա­նազան պաշ­տօններ վա­րելէ ետք, այդ թուակա­նին անուանուած է ԱՄՆ-ու Գա­լիֆոր­նիա նա­հան­գի ժո­ղովրդա­պետ. այդ պաշ­տօ­նը վա­րած է մին­չեւ 2006։

2005 Սեպ­տեմբե­րին Ներ­սէս Պետ­րոս ԺԹ. կա­թողի­կոս-պատ­րիար­քը զինք անուանած է պատ­րիար­քա­կան փո­խանորդ Երու­սա­ղէմի եւ Ամ­մա­նի փո­խանոր­դութեան:

2011 Յու­նի­սին Բե­նեդիկ­տոս ԺԶ. քա­հանա­յապե­տի պա­պական յա­տուկ կոն­դա­կով Հ. Ռա­ֆայէլ Մի­նասեան ար­ժա­նացած է եպիս­կո­պոսա­կան կար­գի, որ­պէս նո­րան­շա­նակ տիտ­ղո­սաւոր ար­քե­պիս­կո­պոս Կա­պադով­կեան Կե­սարիոյ Հա­յոց եւ առաջ­նորդ Հա­յաս­տա­նի, Վրաս­տա­նի, Ռու­սաստա­նի եւ Արեւելեան Եւ­րո­պայի Կա­թողի­կէ Հա­յոց: Եպիս­կո­պոսա­կան ձեռ­նադրու­թիւնը տե­ղի ու­նե­ցած է 2011-ին Պէյ­րութի մէջ։ Այ­նուհե­տեւ, 2011 Օգոս­տո­սին Շի­րակի մար­զի Արեւիկ գիւ­ղի Ս. Գրի­գոր Լու­սա­ւորիչ եկե­ղեց­ւոյ մէջ տե­ղի ու­նե­ցած է անոր գա­հակա­լու­թեան արա­րողութիւնը: ■