Յունիս 28-ի առտուան ժամերուն Ազերպայճանի զինեալները կրակ բացած են Մարտունիի եւ Մարտակերտի հայկական դիրքերու ուղղութեամբ` օգտագործելով նաեւ անօդաչու սարքեր։ Հայկական կողմէն նահատակուած են չորս զինուորներ։
Լուրը կը հաղորդէ Արցախի Պաշտպանութեան նախարարութիւնը։
«Ադրբեջանի Պաշտպանութեան նախարարութիւնը նախորդ օրերին շարունակաբար տարածելով կեղծ հաղորդագրութիւններ, որ իբրեւ թէ մեր Պաշտպանութեան բանակի ստորաբաժանումները խախտում են հրադադարը, եւ մասնաւորապէս Յունիս 27-ին տարածելով իրականութեան չհամապատասխանող լուրեր` հայկական կողմի կրակէն Ադրբեջանի զինծառայողի վիրաւորուելու մասին, տեղեկատուական հիմք ստեղծեց յաջորդական գրգռութեան համար»,– նշուած է Նախարարութեան հրապարակած հաղորդագրութեան մէջ։
Թշնամիի գնդակներով զոհուած արցախցի չորս զինուորներն են՝ Արմօ Աբգարեան, Սամուէլ Թորոսեան, Երուանդ Թադեւոսեան եւ Գագիկ Բալայեան։
