ԻՒՆԷՍՔՕ-ն շտապ առաքելութիւն պիտի ղրկէ Երեւան

 

ԻՒՆԷՍՔՕ-ն յառաջիկայ օրերուն շտապ առաքելութիւն պիտի ղրկէ Երեւան՝ Արցախէն տեղահանուածներուն կրթական աջակցութիւն ցուցաբերելու համար։ Հոկտեմբեր 2-ին նման խնդրանքով  միջազգային կառոյցին դիմած էր Հայաստան։

Առաքելական աշխատանքը պիտի կեդրոնանայ կրթութեան շարունակականութեան ապահովման եւ տեղահանուած ուսանողներու հոգեբանական եւ ընկերային աջակցութեան վրայ:

«Անցեալ օրերուն Լեռնային Ղարաբաղը լքած ու Հայաստան ապաստանած է 100 հազար հոգի։ Անոնց մէկ երրորդը երախաներ ու պատանիներ են»,– նշած են կազմակերպութեան պատասխանատուները։