Երեւանի մէջ կայացած Հաւաքական անվտանգութեան խորհուրդի նիստէն ետք տեղի ունեցած է վարչապետ Նիկոլ Փաշինեանի եւ նախագահ Փութինի հանդիպումը:
Վարչապետը իր խօսքին մէջ մասնաւորապէս նշած է, թէ «հակառակ անոր որ Անվտանգութեան խորհուրդի նիստին ոչ բոլոր հարցերու շուրջ յաջողեցանք համաձայնութիւն գոյացնել, սակայն յատկանշանական է մեր տնտեսական կապերու զարգացումը։ Այս տարի Հայաստանէն Ռուսաստան արտածումը 80 առ հարիւր աճ արձանագրած է, իսկ ապրանքներու շրջանառութիւնը այս տարուան առաջին 9 ամիսներուն աւելցած է 67 տոկոսով»։ Փաշինեան շեշտած է, թէ Ռուսաստան եւ Հայաստան դաշնակիցներ են։
Կողմերը քննարկած են նաեւ տարածաշրջանային ապահովութեան եւ եռակողմ համաձայնութիւններու պահպանման վերաբերող հարցեր:
