ՓԱՐԻԶ. Արմէն Գրիգորեան տեսակցած է Մինսքի խումբի ֆրանսացի համանախագահին հետ

Արմէն Գրիգորեան

Աշխատանքային այցով Փարիզ գտնուող ՀՀ Անվտանգութեան խորհուրդի քարտուղար Արմէն Գրիգորեան հանդիպում ունեցած է Մինսքի խումբի ֆրանսացի համանախագահ Պրիս Ռոքֆէօյի հետ։

Հանդիպումին կողմերը ընդգծած են ԵԱՀԿ-ի Մինսքի խումբի համանախագահութեան հովանաւորութեամբ Լեռնային Ղարաբաղի խնդրին համապարփակ ու մնայուն կարգաւորման անհրաժեշտութիւնը:

Հանդիպում՝ Ֆրետերիք Մոնտոլոնիի հետ

Աշխատանքային այցի շրջանակին մէջ Արմէն Գրիգորեան հանդիպում ունեցած է նաեւ Ֆրանսայի Արտաքին գործոց նախարարութեան Եւրոպայի ցամաքամասի վարչութեան տնօրէն Ֆրետերիք Մոնտոլոնիի հետ:

 

 

Հանդիպումին, Գրիգորեան եւ Մոնտոլոնի անդրադարձած են Լեռնային Ղարաբաղի խնդրին քաղաքական մնայուն  կարգաւորման՝ Մինսքի խումբի համանախագահութեան հովանաւորութեամբ:

Զրուցակիները քննարկած են երկկողմ համագործակցութեան շրջանակը ընդլայնելու եւ զարգացնելու վերաբերեալ շարք մը հարցեր, մասնաւորապէս՝ Հայաստան-Ֆրանսա տնտեսական եւ անվտանգային գործակցութեան հեռանկարները։

© 2022 Բոլոր իրաւունքները վերապահուած են