Յունիս 8-ին, Միացեալ Թա­գաւո­րու­թեան մէջ Հա­յաս­տա­նի դես­պա­նու­թեան եւ Կալ­լէ­սի Հայ հա­մայնքա­յին կեդ­րո­նի հո­վանա­ւորու­թեամբ Քլին­կըն երգչա­խումբը եւ մշա­կու­թա­յին միու­թիւնը ներ­կա­յացուցին հա­մերգ-ցու­ցա­հան­դէս՝ նուիրուած հայ անուանի երա­ժիշտ Կո­միտաս վար­դա­պետի ծննդեան 155-ամեակին։

Օրուան ոգե­կոչումնե­րը սկսան Խա­ղաղու­թեան տա­ճարին մէջ գտնուող Հա­յոց ցե­ղաս­պա­նու­թեան զո­հերու յի­շատա­կին նուիրուած խաչ­քար-յու­շարձան հան­դի­սաւոր այ­ցով։ Անոր յա­ջոր­դեց այ­ցե­լու­թիւնը Կալ­լէ­սի մայ­րա­քաղաք Գար­տի­ֆի Հայ­կա­կան հա­մայնքա­յին կեդ­րոն, ուր ներ­կա­ները կա­րելիու­թիւնն ու­նե­ցան այ­ցե­լելու Կո­միտա­սի գրած նա­մակ­նե­րու եւ ուշ օս­մա­նեան դա­րաշրջա­նի հայ­կա­կան գե­ղարուես­տա­կան զար­դե­րու ցու­ցա­հան­դէ­սը:

Օրուան գլխա­ւոր իրա­դար­ձութիւ­նը սա­կայն Սուրբ Գեր­ման եկե­ղեց­ւոյ մէջ կա­յացած հա­մերգն էր։

Մի­ջոցառ­ման ըն­թացքին ելոյթ ու­նե­ցաւ դես­պան Վա­րու­ժան Ներ­սէ­սեան՝ ընդգծե­լով կալ­լէ­սահայ հա­մայնքի կեն­սունա­կու­թիւնը։ Այ­նուհե­տեւ, դես­պա­նը յար­գանքի տուրք մա­տու­ցեց Կո­միտաս վար­դա­պետին, զայն գնա­հատե­լով հայ­կա­կան մշա­կու­թա­յին ժա­ռան­գութեան յե­նասիւ­նը։ Ան նաեւ նշեց Կալ­լէ­սի եւ Հա­յաս­տա­նի մի­ջեւ կա­պը՝ ընդգծե­լով կալ­լէ­սահայ հա­մայնքին կա­րեւո­րու­թիւնը, որ կա­մուրջ մը կը հան­դի­սանայ եր­կու ժո­ղովուրդնե­րու ընդհա­նուր ար­ժէքնե­րուն հա­մար՝ մշա­կու­թա­յին փո­խանակ­ման մի­ջոցով:

Գար­տի­ֆի այս յա­տուկ հա­մեր­գը կը յա­ջոր­դէր այս տա­րուան Մա­յիս 18-ին Լոն­տո­նի մէջ կա­յացած նման յա­ջող ելոյթին: ■