Յուլիս 7-ին, Հայազգի անուանի գիտնական, գործարար, բարերար Նուպար Աֆէեանին շնորհուած է Երեւանի Պետական համալսարանի (ԵՊՀ) պատուոյ դոկտորի կոչում։ 

Ան մասնակցած է կենսաբանական գծով գիտական եւ արհեստագիտական 20-է աւելի հաստատութիւններու հիմնադրման ու կայացման, հանդէս եկած է մարդասիրական նախաձեռնութիւններով, արժանացած է պետական պարգեւներու եւ մրցանակներու։ 

Աֆէեան նաեւ «Moderna» պատուաստանիւթը արտադրող ընկերութեան ղեկավարն է եւ «Աւրորա» մարդասիրական նախաձեռնութեան համահիմնադիրը։ 

ԵՊՀ-ի մէջ տեղի ունեցած հանդիսաւոր արարողութեան ընթացքին, գիտնականը ելոյթ ունեցած եւ պատասխանած է ներկաներու եւ լրասփիւռներու հարցումներուն։ ■