Ռուսական ցորենի՝ Ազերպայճանի տարածքով փոխադրուած առաջին մատակարարումը հասած է Հայաստան։ Այս մասին Հանրային հեռատեսիլի ընկերութեան հաղորդման ընթացքին յայտնած է Տնտեսութեան նախարար Գէորգ Պապոյեան։

“Սա ռուսական ցորենն է, որ սովորաբար Հայաստան կը հասնէր անցնելով Վերին Լարսէն։ Գիտէք՝ հոն ինչպիսի դժուարութիւններ կային՝ հերթեր եւ միեւնոյն ատեն փոխադրական հաղորդակցութիւնը բաւական արգելքներ ունէր։ Սա Ռուսաստանի տարածքէն երկաթուղիով եկած է Ազերպայճան եւ քանի որ Հայաստան—Ազերպայճան այս պահուն ուղղակի երկաթուղային հաղորդակցութիւն չունին, անցած է Վրաստան եւ Վրաստանէն՝ Հայաստան”,– ըսած է նախարարը։

Ըստ Պապոյեանի՝ Ազերպայճանի տարածքէն ղազախական ցորենն ալ քանի մը օրէն Հայաստան պիտի հասնի։