Հայաստանի Արտաքին գործոց նախարարութիւնը (ԱԳՆ) Պաքուի մէջ ապօրինաբար բանտարկուած հայ ռազմագերիներու եւ պատանդներու մասին Radar Armenia լրասփիւռի հարցումին տուած է հետեւեալ պատասխանը.

«Ադրբեջանում ապօրինաբար պահուող հայ ռազմագերիների եւ պատանդառուած քաղաքացիների խնդրի հասցէագրումը շարունակում է գտնուել ՀՀ ԱԳ նախարարութեան ուշադրութեան կենտրոնում, առաջին հերթին՝ ադրբեջանական կողմի հետ շփումներում ակնկալելով դրական հանգուցալուծում»։

Ըստ ԱԳՆ-ի՝ հարցը եւ կարելի լուծումները կը քննարկուին նաեւ միջազգային գործընկերներու հետ հանդիպումներու թէ՛ երկկողմ, թէ՛ բազմակողմ հարթակներու վրայ, ինչպէս նաեւ պարբերաբար հանդիպումներ տեղի կ՚ունենան գերիներու, անհետացածներու հարազատներուն, միջազգային շարք մը կառոյցներու, ինչպէս՝ «Կարմիր խաչի» միջազգային կոմիտէի պատուիրակութեան հետ։