Հայ դերասաններ Կարէն Գարակիւլեանի եւ Վաչէ Թովմասեանի մասնակցութեամբ «Անորա» վիպերգական կատակերգութիւնը, որ շարժարուեստի հսկայ ընկերութիւններէն անկախ նկարահանուած ժապաւէն մըն է, կը շարունակէ իր յաջողութիւնները։ Արդարեւ, ֆիլմը շահած է երեք կարեւոր մրցանակներ 2025-ի «Անկախ Ոգիի մրցանակաբաշխութեան» (Independent Spirit Awards) ընթացքին, որ տեղի ունեցաւ Շաբաթ, Փետրուար 22-ին, Սանթա Մոնիքայի մէջ, Գալիֆորնիա:

Ժապաւէնը շահեցաւ Լաւագոյն ֆիլմի, Մայքի Մետիսընի լաւագոյն գլխաւոր դերակատարման եւ Շոն Պեյքըրի լաւագոյն բեմադիրի մրցանակները «Անկախ Ոգի»-ի 40-րդ տարեկան հանդիսութեան ընթացքին: «Անորա»-ի այս յաղթանակները կը յաջորդեն ժապաւէնին վերջերս արձանագրած լաւագոյն շարժանկարի յաղթանակներուն՝ Քննադատներու ընտրութեան եւ Արտադրիչներու միութեան մրցանակաբաշխութիւններուն: