Թուրքիոյ Արտաքին գործոց նախարար Հաքան Ֆիտան յայտարարած է, որ «Հայաստանի եւ Ազերպայճանի միջեւ վերջնական համաձայնագիրը ստորագրուելուն պէս, Թուրքիա եւս արագ պիտի կարգաւորէ իր յարաբերութիւնները Հայաստանի հետ»։

Ըստ թուրք նախարարին՝ Անգարա կ՚ակնկալէ, որ Հայաստանի եւ Ազերպայճանի միջեւ վերջնական խաղաղութեան համաձայնագիրը պիտի ստորագրուի գալ տարուան առաջին կէսին։