Ապրիլ 5-ին, Գերմանիոյ մէջ Հայաստանի  դեսպանութիւնը մասնակցած է Պերլինի մէջ տեղի ունեցած «Ֆրանսախօսութեան տօն» խորագրեալ  տարեկան փառատօնին, որուն հրաւիրուած են Պերլին գտնուող բոլոր ֆրանսախօս երկիրներու դեսպանութիւնները:

Փառատօնի ծիրէն ներս կազմակերպուած են զանազան ձեռնարկներ, ներառեալ՝ ֆիլմերու ցուցադրութիւններ, ազգային երաժշտական ելոյթներ, ազգային խոհանոցներու համտեսումներ եւ մանկական ծրագրեր:

Հայաստանի տաղաւարին մէջ ներկայացուած են տնտեսութեան եւ զբօսաշրջութեան վերաբերող տեղեկատուական նիւթեր, ինչպէս նաեւ հայկական անուշեղէններ եւ գինիներ: Ցուցադրուած է Վահան Գրիգորեանի «Ցեխը» կարճ ֆիլմը՝ ֆրանսերէն ենթագրերով։