Օգոստոս 14-ին, Գիւմրիի աւագանիի ժողովին ներկայացուած է Կարօ Սասունիի 2,40 մեթր բարձրութեամբ պրոնզաձոյլ արձանը՝ քաղաքի Պռոշեան եւ Գարեգին Նժդեհ փողոցներու խաչմերուկին տեղադրելու հարցը։ Արձանի քանդակագործն է Միսակ Մելքոնեան։
«Կումայրի պատմամշակութային արգելոց-թանգարանի» տնօրէն Ինգա Աւագեան ներկայացուցած է Սասունիի հակիրճ կենսագրականը՝ նշելով, թէ վերջինս մասնակցած է հայ ժողովուրդի փրկութեան նուիրուած պայքարներուն։ 1919-ին ընտրուած է Ա. Հանրապետութեան խորհրդարանի անդամ եւ 1920-ին նշանակուած՝ Շիրակի նահանգապետ։

Սասունի այդ պաշտօնին գլուխը պայքար մղած է եղծանման դէմ եւ կարճ ժամանակի ընթացքին կրցած է վերջ տալ կաշառակերութեան, պատժելով թէ՛ կաշառք տուողը եւ թէ՛ կաշառք ստացողը։

Աւագանիի ժողովը համաձայն գտնուած է Կարօ Սասունիի արձանը տեղադրելու վերոնշեալ վայրին, մա՛նաւանդ որ արդէն բարերար մը խոստացած է տասը հազար տոլար նուիրել այդ տարածքը վերանորոգելու նպատակին։