ԵԱՀԿ-ի ներ­կա­յի նա­խագահ, Ֆին­լանտա­յի Ար­տա­քին գոր­ծոց նա­խարար Էլի­նա Վալ­թո­նէն դրա­կան յա­ռաջըն­թաց ար­ձա­նագ­րած է Հա­յաս­տա­նի եւ Ազեր­պայճա­նի մի­ջեւ խա­ղաղու­թեան գոր­ծընթա­ցին մէջ։

Այս մա­սին Վալ­թո­նէն նշած է ԵԱՀԿ-ի նա­խարա­րական հան­դիպման ըն­թացքին։

“Հա­րաւա­յին Կով­կա­սի մէջ ակա­նատես եղայ Հա­յաս­տա­նի եւ Ազեր­պայճա­նի մի­ջեւ խա­ղաղու­թեան գոր­ծընթա­ցի դրա­կան յա­ռաջըն­թա­ցին։ Օգոս­տո­սին հա­սանք հա­մաձայ­նութեան՝ Մինսքի խումբի են­թա­կառոյցնե­րը փա­կելու ուղղու­թեամբ, որոնք կը զբա­ղէին Լեռ­նա­յին Ղա­րաբա­ղի հա­կամար­տութեան կար­գա­ւոր­մամբ”,– ըսած է դի­ւանա­գիտու­հին։

Վալ­թո­նէն նշած է, որ Մինսքի խումբը եւ անոր են­թա­կառոյցնե­րը փա­կելը պի­տի նպաս­տէ նաեւ ԵԱՀԿ-ի պիւտճէի հաս­տատման հիմ­նա­կան խո­չըն­դո­տի վե­րաց­ման։

Յի­շեց­նենք, որ Մինսքի խումբի գոր­ծընթա­ցը սկսած էր 1992-ին՝ ազեր­պայճա­նա-ար­ցա­խեան հա­կամար­տութեան կար­գա­ւոր­ման նպա­տակով։ Կա­ռոյ­ցի հա­մանա­խագահ­ներն էին Ռու­սաստա­նը, ԱՄՆ-ն եւ Ֆրան­սան։

Հա­յաս­տան եւ Ազեր­պայճան 2025 Օգոս­տոս 8-ին Ուա­շինկթը­նի մէջ ԵԱՀԿ-ին ուղղուած հա­մատեղ դի­մում ստո­րագ­րած էին Մինսքի խումբը կազմալու­ծե­լու հար­ցով։

2025 Դեկ­տեմբեր 1-էն կա­ռոյ­ցը դադ­րե­ցու­ցած է իր գոր­ծունէու­թիւնը։