Հայաստանի եւ Փաքիստանի Արտաքին գործոց (ԱԳ) նախարարներ Արարատ Միրզոյեանի եւ Իսհաք Տարի միջեւ տեղի ունեցած հեռաձայնային զրոյցի լոյսին տակ, վերջինս X-ի իր հաշիւին գրած է հետեւեալը.

«Հայաստանի իմ պաշտօնակից Արարատ Միրզոյեանի հետ հեռաձայնային զրոյցին՝ համաձայնեցանք ուսումնասիրել երկու երկիրներու միջեւ դիւանագիտական յարաբերութիւններ հաստատելու հարցը»։

Միրզոյեան եւս գրառած է, թէ նկատի ունենալով տարածաշրջանային վերջին զարգացումները եւ երկկողմ ու բազմակողմ հարթակներու վրայ գործակցութեան տեսլականը՝  փաքիստանցի իր պաշտօնակցին հետ քննարկած է Հայաստանի ու Փաքիստանի միջեւ դիւանագիտական յարաբերութիւններ հաստատելու հարցը։