Օգոստոս 6-ին, ի վերջոյ Երեւան պաշտօնապէս հաստատած է Ուաշինկթընի մէջ կայանալիք Փաշինեան-Ալիեւ-Թրամփ հանդիպումին լուրը:

Կառավարութենէն հաղորդած են, թէ Օգոստոս 7–8 վարչապետ Նիկոլ Փաշինեան Ուաշինկթընի մէջ երկկողմ հանդիպում կ՚ունենայ ԱՄՆ-ու նախագահ Տանըլտ Թրամփի հետ՝ Հայաստան-ԱՄՆ ռազմավարական գործընկերութիւնը ամրապնդելու նպատակով, ինչպէս նաեւ եռակողմ հանդիպում՝ ԱՄՆ-ու եւ Ազերպայճանի նախագահներուն հետ՝ «միտուած՝ տարածաշրջանում խաղաղութեան, բարօրութեան և տնտեսական համագործակցութեան առաջմղմանը»։