Ռուսաստանի Արտաքին գործոց նախարարութեան պաշտօնական ներկայացուցիչ Մարիա Զախարովա, Փետրուար 4-ին տեղի ունեցած շաբաթական ասուլիսի ընթացքին անդրադարձած է այն կամուրջին վերանորոգման աշխատանքներուն, որ ըստ ազէրպայճանական լրասփիւռներուն՝ Լաչինի միջանցքին այլընտրանքային ճանապարհին մէկ հատուածը պիտի դառնայ:
“Սա պահուս այդ հարցին մասին յաւելեալ տեղեկութիւն չունիմ: Տեսայ լուրը. այդ նիւթին կը հետեւինք”,– ըսած է Զախարովա, պատասխանելով կամուրջի վերանորոգման աշխատանքներուն ռուսական կողմի ներգրաւման եւ անոր նշանակութեան վերաբերեալ հարցումին։
