Յունիս 30-ին, Հայաստանի դեսպանութեան հովանաւորութեամբ, Հռոմի ֆիլհարմոնիք ակադեմիայի դահլիճին մէջ տեղի ունեցած է Վերոնիքա Խիզանիշվիլիի (ազգութեամբ՝ հայ եւ վրացի, սրինգ) և Եունվու Օհի (ազգութեամբ՝ գորէացի, դաշնակ) կատարողութեամբ համերգը:

Երեկոյթին հնչած են Գրիգոր Նարեկացիի, Կոմիտասի, Արամ Խաչատրեանի, Ելենա Մարտեանի, Օթար Թախթակիշվիլիի ստեղծագործութիւնները:

Ներկայ եղած են Հռոմի բնակիչներ, Իտալիոյ եւ Վատիկանի մէջ Հայաստանի դեսպանութիւններու եւ հայ համայնքի անդամներ:

Հայ արուեստագէտներու ստեղծագործութիւններու ցուցադրութիւն

«Ռիվիերա Ռոմանա» արուեստի միջազգային երկամեայի ձեռնարկներու ծիրէն ներս, 2025 Յուլիս 14–24, Հռոմի «Վալենթինի» պալատին մէջ կը ցուցադրուին 24 հայ նկարիչներու եւ քանդակագործներու աշխատանքներ, տարբեր երկիրներէ՝ Հայաստան, Միացեալ նահանգներ, Անգլիա, Գերմանիա, Կիպրոս:

Ցուցադրութեան բացումը՝ Յուլիս 14, ժամը 17.30-ին, «Վալենթինի» պալատը: