Կովկասի հարցերու իրանցի փորձագէտ Մոհամմատ Իսմայիլ Ալիխանի՝ զգուշացնելով Հայաստանի հարաւէն Ազերպայճանի եւ Նախիջեւանի միջեւ Զանգեզուրի միջանցքի ստեղծման մասին նշած է, որ «միջանցքի գործարկման պարագային Հայաստան կը կորսնցնէ հարաւի հետ կապը»։
ParsToday-ի համաձայն՝ SCAP երթեւեկութեան յանձնախումբին մէջ Իրանի նախկին ներկայացուցիչ Ալիխանի անդրադառնալով Զանգեզուրի միջանցքին յայտարարած է. “Եթէ Հայաստան հարաւի մէջ Իրանի հետ սահմանին Ազերպայճանին տարածք տրամադրէ, կը դադրի ըլլալէ Իրանի դրացին”:
Ան աւելցուցած է. “Իրան ունի Հայաստանի հետ ամէնէն կարճ ընդհանուր սահմանը (38 քմ.), որ Իրանի եւ Եւրոպայի միջեւ հաղորդակցութեան դարպասներէն մէկն է եւ կարեւոր նշանակութիւն ունի։ Այս կացութեան մէջ, եթէ ստեղծուի Զանգեզուրի միջանցքը, Իրան մեկնելու համար Հայերը պէտք է ունենան Ազերպայճանի արտօնութիւնը”:
