ԵԱՀԿ-ի նախագահութիւնը՝ Ալիևի յայտարարութեան առնչութեամբ
ԵԱՀԿ-ի ներկայի նախագահութիւնը վերահաստատած է իր լիակատար աջակցութիւնը ԵԱՀԿ-ի Մինսքի խումբի համանախագահներուն: Լուրը հաղորդած են ԵԱՀԿ-ի լեհական նախագահութենէն՝ Մինսքի խբւմբի համանախագահներու գործունէութեան մասին Ազէրպայճանի նախագահ Իլհամ Ալիևի վերջին յայտարարութիւններուն առնչութեամբ, ի պատասխան «Արմէնփրէս»-ի հացրումին։
«ԵԱՀԿ-ի լեհական նախագահութիւնը չի կրնար մեկնաբանել Ազէրպայճանի նախագահին հրապարակային յայտարարութիւնները: Մենք կը վերահաստատենք մեր լիակատար աջակցութիւնը և երախտագիտութիւնը ԵԱՀԿ-ի Մինսքի խումբին, անոր համանախագահներուն և ԵԱՀԿ-ի ներկայի նախագահի անձնական ներկայացուցիչ, դեսպան Անճեյ Քասփրչիկի աշխատանքին»,– պատասխանած են ԵԱՀԿ-ի լեհական նախագահութենէն:
