Հայաստանի մէջ «Հրայր Յովնանեան ընտանիքի հիմնադրամ»-ի (the H. Hovnanian Family Foundation) գործադիր տնօրէն նշանակուած է Կորիւն Խաչատուրեան։ Ան 2023 Յունուար 9-էն սկսեալ կազմակերպութեան մարդասիրական գործունէութիւնը պիտի ներկայացնէ ամբողջ Հայաստանի մէջ։  Կորիւն Խաչատուրեան վերջին չորս տարիներուն ղեկավարած է գիւղական համայնքներու զարգացման շարք մը նորարար նախաձեռնութիւններ Հայաստանի մանուկներ (COAF) հիմնադրամին ճամբով, իսկ անկէ առաջ ղեկավարած է ԹՈՒՄՕ-ի բազմաթիւ նորայայտ ծրագրեր, նախ Ստեփանակերտի, այնուհետեւ Փարիզի մէջ՝ գլխաւորելով աշխարհի տարածքին ԹՈՒՄՕ-ի կրթական նախատիպի ընդլայնման աշխատանքը։