Արցախի Տիգրանակերտի մէջ պեղումներ կատարող արշաւախումբի ղեկավար, Երեւանի Պետական համալսարանի մշակութաբանութեան ամպիոնի վարիչ, պատմական գիտութիւններու դոկտոր, փրոֆ. Համլէտ Պետրոսեան Դիմագիրքի իր էջին գրած է.-

«Միայն այսօր (Յունուար 20-ին) տեղեկացայ, որ ՀՀ կառավարութիւնը “2022 թ․ իրականացուելիք  գիտական և գիտատեխնիկական պետական նպատակային ծրագրերում” չի ներառել ՀՀ ԳԱԱ հնագիտութեան և ազգագրութեան ինստիտուտի ներկայացրած “Արցախի մշակոյթը հայ-աղուանական փոխյարաբերութիւնների համածիրում. մ. թ. ա. 4-րդ – մ. թ. 13-րդ դարեր” յայտը, որը պիտի ղեկավարէի ես: Ընդ որում, յայտը մերժելու մասին Ինստիտուտը կառավարութիւնից որևէ տեղեկատաւութիւն չի ստացել։

Մեր գործի կարևորութիւնը գնահատողներին ուզում եմ վստահեցնել, որ մենք շարունակելու ենք Արցախի ժառանգութեան հետազօտման, պահպանութեան, այն միջազգային գիտական հանրութեան ներկայացնելու մեր պարտաւորութիւնները, ինչպէս որ խոստացել և իրականացրել ենք տարիներ շարունակ և յատկապէս 44-օրեայ պատերազմից յետոյ։

Համոզուելու համար ուղղակի այցելեցէք https://monumentwatch.org/ ակադեմիական հարթակ և ծանօթացէք այն աշխատանքին, որը իրականացնում է կամաւորների մեր խումբը»։