Սպա­նիոյ մէջ Հա­յաս­տա­նի դես­պա­նու­թիւնը եւս Ան­կա­խու­թեան տօ­նին առի­թով կազ­մա­կեր­պած է ըն­դունե­լու­թիւն մը, որուն մաս­նակցած է աշ­խա­տան­քա­յին այ­ցով Սպա­նիա գտնուող Ազ­գա­յին ժո­ղովի նա­խագահ Ալէն Սի­մոնեան։

Ըն­դունե­լու­թեան ըն­թացքին ան հան­դէս եկած է ող­ջոյնի խօս­քով.

«Ձերդ գե­րազան­ցութիւններ,

Պա­տուար­ժան հիւ­րեր,

Տիկ­նայք եւ պա­րոնայք,

Մեծ պա­տիւ է այ­սօր ձե­զի հետ մաս­նակցիլ Հա­յաս­տա­նի Հան­րա­պետու­թեան Ազ­գա­յին տօ­նին նուիրուած հան­դի­սաւոր ըն­դունե­լու­թեան:

Մեր Ազ­գա­յին տօ­նը ոչ միայն Հա­յաս­տա­նի ան­կա­խու­թեան հռչակ­ման տօն է, այ­լեւ մեր որ­դեգրած ար­ժէքնե­րու՝ ազա­տու­թեան, տո­կու­նութեան, խա­ղաղու­թեան եւ ժո­ղովրդա­վարու­թեան հան­դէպ յանձնա­ռու­թեան վե­րահաս­տա­տում։

Այս տա­րի մեր տօ­նակա­տարու­թիւնը ու­նի շատ կա­րեւոր ու­ղերձ: 2025 Օգոս­տոս 8-ին Ուա­շինկթը­նի մէջ նա­խագահ Տա­նըլտ Թրամ­փի աջակ­ցութեամբ Հա­յաս­տան եւ Ազեր­պայճան ստո­րագ­րե­ցին Հռչա­կագիր, որ կը բա­նայ մեր պատ­մութեան նոր էջը։ Ան կա­րեւոր հանգրուան է մեր տա­րածաշրջա­նին մէջ մնա­յուն խա­ղաղու­թեան հաս­տատման ճա­նապար­հին, խա­ղաղու­թիւն, որուն մեր ժո­ղովուրդնե­րը շա­տոնց կը սպա­սեն եւ որուն ար­ժա­նի են։

Ու­րախ ենք, որ այս կա­րեւոր օրը կը նշենք Մատ­րիտի մէջ՝ քա­ղաք մը, որ կը խորհրդան­շէ մշա­կու­թա­յին բազ­մա­զանու­թիւն, երկ­խօ­սու­թիւն եւ բա­րե­կա­մու­թիւն։ Հա­յաս­տա­նի եւ Սպանիոյ յա­րաբե­րու­թիւննե­րը, հիմ­նուած փոխադարձ յար­գանքի եւ ընդհա­նուր ձգտում­նե­րու վրայ, շա­րու­նա­կաբար կը զար­գա­նան քա­ղաքա­կան, տնտե­սական եւ մշա­կու­թա­յին ոլորտնե­րուն մէջ։ Մենք բարձր կը գնա­հատենք Սպա­նիոյ դե­րը՝ որ­պէս գոր­ծընկեր թէ՛ Եւ­րո­պական Միու­թեան շրջա­նակին մէջ, թէ՛ անոր սահ­մաննե­րէն դուրս եւ կ՚ակնկա­լեմ մեր հա­մագոր­ծակցու­թեան հե­տագայ խո­րացում։

Յատ­կա­պէս շնոր­հա­կալու­թիւն կը յայտնում Սպա­նիա բնա­կող հայ հա­մայնքին, որու նուիրու­մին եւ աշ­խա­տան­քին շնոր­հիւ մեր եր­կու ժո­ղովուրդնե­րուն մի­ջեւ ստեղ­ծուած է կեն­դա­նի կա­մուրջ։

Թող այս օրը հան­դի­սանայ յա­ւելեալ առիթ մը աւե­լի խո­րաց­նե­լու Հա­յաս­տա­նի եւ Սպա­նիոյ կա­պերը՝ ի շահ մեր ժո­ղովուրդնե­րու բա­րօրու­թեան, խա­ղաղու­թեան ու բա­րեկե­ցու­թեան։

Կեց­ցե՛ն Հա­յաս­տա­նի Հան­րա­պետու­թիւնը եւ Սպա­նիոյ Թա­գաւո­րու­թիւնը:

Շնոր­հա­կալութիւն»։