Ապրիլ 4-ին, Հայաստան ընտրուած է ՄԱԿ-ի Զարգացման ծրագրի (UNDP) Բնակչութեան հիմնադրամի (UNDP) Ծրագրերու գրասենեակի (UNOPS) գործադիր խորհուրդի անդամ՝ 2026-2028 ժամանակաշրջանին համար։

«Հայաստան իր բոլոր ջանքերը պիտի ներդնէ աջակցելու եւ նպաստելու սոյն գործադիր խորհուրդի աշխատանքներուն՝ ի նպաստ 2030-ի օրակարգի իրականացման՝ ընկերային, տնտեսական եւ բնապահական բնագաւառներուն մէջ»,– ըսուած է ՄԱԿ-ի մէջ Հայաստանի ներկայացուցչութեան այս առիթով հրապարակած հաղորդագրութեան մէջ։

UNDP/UNFPA/UNOPS-ի գործադիր խորհուրդը պատասխանատու է այս կազմակերպութիւններու գործունէութեան վերահսկման եւ աջակցութեան համար։ Ան կը բաղկանայ 36 անդամներէ եւ կ՚ապահովէ վերոնշեալ կառոյցներուն մէջ ընդգրկուած գործակալութիւններուն՝ ծրագրի անդամ երկիրներու զարգացող կարիքներուն նկատմամբ պարտաւորութիւններու գործադրման վերահսկումը, միաժամանակ այդ գործակալութիւններուն ցոյց տալով ռազմավարական ուղղութիւն։