Բարձր արհեստագիտութիւններու արդիւնաբերութեան նախարար Ռոբերտ Խաչատրեան Ազգային ժողովին մէջ Հայաստանի 2022-ի պետական ամավարկի կատարման տարեկան հաշուետւութեան ներկայացման ընթացքին՝ յայտարարած է, թէ 2022 Մայիս 25-ին տիեզերք արձակուած Հայաստանի առաջին արբանեակի՝ «ArmSat-1»-ի կառավարման կեդրոնը ամբողջութեամբ կահաւորուած է եւ պատրաստ է շահագործման։
Նախարարը նշած է, որ 2022-ին որպէս զարգացման նոր թիրախ եւ նոր նախաձեռնութիւն պետական ամավարկէն յատկացուած միջոցները ուղղուած են Հայաստանի՝ Երկրի հեռահար դիտարկման առաջին արբանեակի արձակման եւ տիեզերքէն լուսանկարներու ձեռքբերման։
“Արբանեակն արդէն իսկ շահագործման մէջ է, պարբերաբար ստացւում են լուսանկարներ եւ պայմանագրով նախատեսուած կառավարման կենտրոնն ամբողջութեամբ կահաւորուած է եւ պատրաստ է շահագործմանը։ Ծրագրի շրջանակներում վերապատրաստում անցած հայ մասնագէտները շուտով ամբողջութեամբ կը վերցնեն արբանեակի կառավարումը իրենց վրայ եւ փաստացի արբանեակի կառավարումը կը կատարուի Հայաստանի Հանրապետութեան տարածքից”,– ըսած է Խաչատրեան։
