«Ե. Չարենց» գրականութեան եւ արուեստի թանգարանին մէջ բացուած է «Յիշողութեան սլաքներ» խորագրով առժամեայ ցուցահանդէսը, ուր առաջին անգամ կը ցուցադրուին գրականութեան, երաժշտութեան, թատրոնի եւ շարժանկարի հայ մեծերուն անձնական ժամացոյցները։

Ցուցահանդէսին ներկայացուած են շուրջ 60 ժամացոյցներ, որոնք պատկանած են Միքայէլ Նալպանտեանին, Յովհաննէս Թումանեանին, Ակսէլ Բակունցին, Վահրամ Փափազեանին, Բարսեղ Կանաչեանին, Մարտիրոս Սարեանին…։

Ցուցահանդէսը կը շարունակուի մինչեւ Յուլիս 30։