Փետրուար 9-ին գումարուած Ազգային ժողովի նիստին, «Հայաստան» խմբակցութեան քարտուղար Արծուիկ Մինասեան մէջբերած է ազգային անվտանգութեան ռազմավարութենէն հատուած մը, ուր արձանագրուած է, թէ հայ ժողովուրդի ազգային նպատակներն են՝ Հայոց ցեղասպանութեան ճանաչումը, հետևանքներու յաղթահարումը և վերացումը։ Ան հարցում ուղղած է, թէ Հայաստանի Հանրապետութեան կառավարութիւնը կը շարունակէ՞ այս նպատակները պահպանել, թէ՞ ոչ։
Ի պատասխան, Արտաքին գործոց նախարար Արարատ Միրզոյեան ըսած է, որ Հայաստանի Հանրապետութեան կառավարութիւնը հետևողականօրէն կը շարունակէ իրականացնել բոլոր այն քայլերը, որոնք նշուած են կառավարութեան ծրագրին մէջ և հաստատուած՝ խորհրդարանին կողմէ։
“Այդ ծրագրում յստակ նշուած է, որ Հայաստանը շարունակելու է իր ջանքերը ուղղուած ինչպէս Հայոց ցեղասպանութեան ճանաչմանը, այնպէս էլ մարդկութեան դէմ այդ յանցագործութեան հետագայ դրսևորումների կանխմանը”,– ըսած է Միրզոյեան։
